Being very honest
有時真係好怕收到d message 問我
「搬去加拿大搵少好多錢喎 搬唔搬好呢？」
「移民好悶架喎，搬唔搬好呢？」
「離開香港會好掛住香港嘅屋企人同朋友，搬唔搬好呢？」
當然我係過來人 好明白大家嘅擔憂同忐忑
但作為成年人 做左咁多年人
應該好明白無野是兩全其美
的確 我地收入少左一半有多
加拿大無香港咁方便有咁多好野食
我每日都會掛住呀爸呀媽呀妹同所有好朋友
但我唔會叫呢個左犠牲
因為無人迫我 是我嘅選擇
我亦會好focus on呢度嘅好處
每個地方都有佢可愛嘅地方 包括香港
所以選擇左就唔好諗黎諗去
咁只會令你好痛苦
人生短短幾十年
揀條自己喜歡嘅路 揀左就唔好怨黎怨去
更唔好話咩為愛犠牲 （另一半或細路）
開開心心過每一日吧
只要心存感激
每一個地方
都會找到值得快樂嘅原因
Search